“Мам.органда кардарлардын кызыкчылыгын жактоо” кызматы жөнүндө

Көптөгөн суроолорго байланыштуу, «Дос Тэк Групп» компаниясынын Администрациясы өзүнүн кардарларын “Мам.органда талаш-тартышы бар кардарлардын кызыкчылыгын жактоо” кызматынын мазмуну жана баасы жөнүндө маалымдайт.

СОчИ системасынын колдонуучулары кабылган негизги көйгөйлөр:

• Отчетту башка МСК же СФ бөлүмүнө жөнөтүү (жөнөтүүчүнүн көңүл койбостугунан);
• Отчетту туура эмес маалыматтар менен жөнөтүү (жөнөтүүчүнүн көңүл койбостугунан);
• Отчеттулуктун мөөнөттөрүн сактабагандык (тапшыруучу бухгалтердин көңүл койбостугунан);
• Ага себептүү катталган МСК/СФ бөлүмүнө отчеттун түшпөөсү жана отчет тапшырылбагандыгы үчүн штрафка тартылуу;
• МСК/СФ кураторлору тарабынан отчеттун каралбашы;
• МСК/СФ кураторлору тарабынан отчеттун четке кагылышы;
• Тапшырылбаган отчеттор жана карыз төлөмдөрдүн себебинен карызы жоктугу тууралуу справкасын алуу мүмкүнчүлүгүнүн жоктугу (жогорудагы пунктарды караңыз).

СОчИ системасынын программдык камсыздоосунда нормативдик-укуктук актыларынын негизинде ар бир форманы толтуруу боюнча автоматташтырылган эсептөө-логикалык көзөмөлдөө каралган. Бухгалтер тарабынан туура эмес маалымат киргизилгенде, СОчИ системасы отчетту жөнөтүү мүмкүнчүлүгүн бербейт – андыктан, киргизилүүчү маалыматтын тууралыгын көңүл коюп текшерүү зарыл.

Жогоруда аталган көйгөйлөрдүн негизинде, “Мам.органда талаш-тартышы бар кардарлардын кызыкчылыгын жактоо” кызматына кирүүчү сервистер:

1. Баштапкы отчетторду жөнөтүү менен байланыштуу суроолорду чечүү (тапшырылбаган, туура эмес тапшырылган, МСК/СФ башка бөлүмүнө тапшырылган). Штрафты төлөө (эгер штрафка тартылган болсо) кардардын өзүнө жүктөлөт;
2. МСК кызматкери же ИСНАК системасы тарабынан каралбаган же четке кагылган отчеттор менен байланыштуу суроолор (лог, баштапкы отчетторду берүү, МСК маалыматтары менен салыштыруу ж.б.). Мындай учурда, «Дос Тэк Групп» компаниясы талаш-тартыштын жагдайларын изилдеп, отчеттун четке кагылышынын тууралыгынын же туура эместигинин мыйзам ченемдүүлүгүн далилдөө жоопкерчилигин алат. Отчет кардардын күнөөсү үчүн четке кагылган болсо, штраф төлөө (эгер штрафка тартылган болсо) анын өзүнө жүктөлөт;
3. Карызы жоктугу жөнүндө справка алууга байланыштуу суроолор. Бул кызмат «Дос Тэк Групп» компаниясынын кызматтарын 3 айдан кем эмес убакыттын ичинде колдонуучу кардарларга гана көрсөтүлөт. Кардар справканы тапшыруу мөөнөтүнүн аякташына 5 күндөн кем эмес убакыт калганга чейин кайрылуусу зарыл. Кызмат убактылуу Бишкек шаары боюнча иштеген кардарларга гана жеткиликтүү.

Кызматтын баасы – айына 750 сом. Кызмат үчүн көрсөтүлгөн убакта төлөө мүмкүн, мындай учурда кызматтын баасы кардардын көйгөйүнө жараша, өзүнчө сүйлөшүлөт.

Эгер бул кызмат тууралуу суроо пайда болсо, tax@dostek.kg дарегине кайрылууңуздарды суранабыз.

Урматто менен,

«Дос Тэк Групп» компаниясынын Администрациясы.