Отчет тапшыруу мөөнөттөрүн бузуу боюнча маанилүү маалымат

«ДОС ТЭК ГРУПП» компаниясы салык төлөөчүлөрдүн көңүлүн кийинки өтө маанилуу маалыматка бурат:

Кыргыз Республикасынын Салык  Кодексинин 163-беренесинин 1-1 бөлүгүнө ылайык, КР Финансы министрлигине караштуу Мамлекеттик салык кызматы салык отчетторун өз убагында тапшырбаган салык төлөөчүлөргө салык санкциясы салынат.

Жогоруда аталган берене боюнча, Кодексте каралган отчетторду белгиленген мөөнөттө бербегендиги үчүн салык төлөөчүгө төмөнкүдөй өлчөмдө салык санкциясы колдонулат:

1) жеке жактар үчүн 10 эсептик көрсөткүч өлчөмүндө;

2) жеке ишкерлер үчүн 30 эсептик көрсөткүч өлчөмүндө;

3) уюмдар үчүн 70 эсептик көрсөткүч өлчөмүндө.

Ошондой эле, КР Салык Кодексинин 103-беренесинин 1-пунктуна ылайык, «Салык отчеттуулугун берүү боюнча милдеттенмелерди аткаруу датасы деп салык кызматынын органы тарабынан отчеттуулукту кабыл алган дата же маалымат тутуму электрондук документти кабыл алгандыгы жөнүндө билдирген дата эсептелет».

КР ФМ караштуу МСКнын маалымат тутуму тарабынан тапшырылган отчетко «КАБЫЛ АЛЫНДЫ» статусу ыйгарылгандан кийин милдеттенме мөөнөтүндө аткарылды деп эсептелет.

Ошол эле учурда, өз убагында тапшырылган отчетто каталар болсо, МСКнын маалымат тутуму тарабынан четке кагылышы мүмкүн жана каталарды оңдоп, кайра тапшырууга кошумча убакыт талап кылынаарын эске алууну суранабыз.

Салык санкциясына кабылып калбоо үчүн, Мамлекеттик салык кызматы отчет тапшырууну акыркы күндөргө калтырбастан, эртерээк аракет жасоону сунуштайт.