Электрондук отчеттулука өтүүнүн мөөнөттөрү боюнча түшүндүрүү

«ДОС ТЭК ГРУПП» компаниясы бардык салык төөлөөчүлөргө, 2018-жылдын 12-декабрындагы (№580) Токтомуна киргизилген өзгөрүүлөргө ылайык, электрондук документ турүндөгү салык отчеттулугуна өтүү мөөнөттөрү жөнүндө маалымдайт.

2020-жылдын 31-декабрындагы (№641) Токтомунун жаңы редакциясында электрондук отчеттулука өтүү шарттары жана мөөнөттөрү өзгөргөн.

Ыңгайлуулук үчүн Токтомдун жаңы редакциясынан корутундулар өзгөрүүлөрү менен тартууланат.

- кызыл өңдүү тамгалар – жаңы кошулгандар;
- чийилген – күчүн жоготкон пункттар.

      КР Өкмөтүнүн Токтому 2018-ж 12-декабры № 580

КР Салык кодексинин 85, 86 жана 89-беренелерин ишке ашыруу боюнча чаралар жөнүндө (КР Өкмөтүнүн Токтому 2018-ж 12-декабры № 580 редакциясында), (электрондук отчеттулука өтүү мөөнөттөрү боюнча корутундулар)

2-тиркеме

Электрондук документ түрүндө тапшырылуучу
салык отчеттулугуна өтүүнүн

ТАРТИБИ ЖАНА МӨӨНӨТТӨРҮ

Ушул Тартип КР Салык Кодекси, «Электрондук колтамга жөнүндө», «Электрондук башкаруу жөнүндө» КР Мыйзамдарына ылайык иштелип чыккан жана электрондук документ түрүндө тапшырылуучу салык отчеттулугуна өтүүнүн тартиби менен мөөнөттөрүн аныктайт.
 

1-глава. Салык төлөөчүлөр тарабынан салыктык отчеттуулукту электрондук документ түрүндө берүүдө электрондук кол тамганы колдонуунун тартиби

1. Ушул Тартиптин 2-главасына ылайык белгиленген мөөнөттөргө ылайык салык төлөөчүлөр тарабынан берилген электрондук документ түрүндөгү салыктык отчеттуулукка квалификациялык электрондук кол тамга коюлат.

2. Ушул Тартиптин 3-главасына ылайык белгиленген мөөнөттөргө ылайык салык төлөөчүлөр тарабынан берилген электрондук документ түрүндөгү салыктык отчеттуулукка жөнөкөй электрондук кол тамга коюлат.
 

2-глава. Квалификациялык электрондук кол тамга коюлган,салыктык отчеттуулукту электрондук
документ түрүндө берүүгө өтүүнүн мөөнөттөрү

3. Квалификациялык электрондук кол тамга коюлган, салыктык отчеттуулукту электрондук документ түрүндө милдеттүү түрдө берүүгө өтүү салык төлөөчүлөр тарабынан төмөнкү мөөнөттөрдө ишке ашырылат:

№	Салык төлөөчүлөр	Өтүү мөөнөттөрү
1	Уюмдар жана жеке ишкерлер:   1) кошумча нарк салыгын төлөөчү катары катталгандар;   2) товарды импорттогондор жана/же экспорттогондор	2019-жылдын 1-июлунан
2	Ушул таблицанын 1-пунктунда көрсөтүлбөгөн уюмдар, дыйкан фермердик чарбалардан тышкары	2022-жылдын 1-январынан
3	Ушул таблицанын 1, 2- пункттарында көрсөтүлбөгөн,   электрондук отчеттулук тапшырууга милдеттүү   салык төлөөчүлөр.(пункт күчүн жоготту)	2022-жылдын 1-январынан

4. Ушул таблицанын 2,3-пунктарында көрсөтүлгөн салык төлөөчүлөр электрондук документ түрүндөгү салык отчеттулугун өз ыктыяры менен тапшырса болот (пункт күчүн жоготту)
 

3-глава. Жөнөкөй электрондук кол тамга коюлган, салыктык отчеттуулукту электрондук документ
түрүндө берүүгө өтүү мөөнөттөрү

5. Жөнөкөй электрондук кол тамга коюлган, салыктык отчеттуулукту электрондук документ түрүндө милдеттүү түрдө берүүгө өтүү салык төлөөчүлөр тарабынан төмөнкү мөөнөттөрдө ишке ашырылат:

№	Салык төлөөчүлөр	Өтүү мөөнөттөрү
1	Уюмдар	2021-жылдын 1-апрелинен
2	Жеке ишкерлер	2022-жылдын 1-январынан

11.03.2021 Жаңылыктар тизмесине