СОчИ системасында жаңы отчет формасы пайда болду

«ДОС ТЭК ГРУПП» компаниясы, СОчИ системасында жаңы, ай сайын тапшырылуучу «Жергиликтүү маанидеги инфратүзүмдү өнүктүрүүгө жана күтүүгө чегерүүлөр боюнча отчет» (STI-157) формасы пайда болгонун маалымдайт.

Отчет казып алынуучу пайдалуу кендердин жайгашкан жери боюнча тиешелүү жергиликтүү бюджеттерге жана региондорду өнүктүрүү фонддоруна жиберүү үчүн республикалык бюджетке чегерүүчү жана пайдалуу кендерин катталган жерине карабастан иштеп чыгуучу (казып алуучу) жеке жактар, жеке ишкерлер же юридикалык жактар тарабынан берилет.

Жергиликтүү маанидеги инфратүзүмдү өнүктүрүүгө жана күтүүгө чегерүүлөрдү эсептөө жана төлөө Кыргыз Республикасынын салыктык эмес кирешелер жөнүндөгү Кодексинин 46-главасынын негизинде жүргүзүлөт.

Ошондой эле, Кыргыз Республикасынын салыктык эмес кирешелер жөнүндөгү Кодексинин  128-беренесине ылайык «Жергиликтүү маанидеги инфратүзүмдү өнүктүрүүгө жана күтүүгө чегерүүлөр, кыйыр салыктарды эсепке албаганда, пайдалуу кендерди сатуудан түшкөн акчанын 2 пайызы өлчөмүндө төлөнөт».

Отчет салык органына отчеттук айдан кийинки айдын 20сына чейин салыктык жана/же эсептик катталган жери боюнча берилет.

1 форманы жөнөтүү баасы, бардык салыктарды өзүнө камтуу менен, 83 сомду түзөт.