Электрондук эсеп-фактураларды колдонуу боюнча пилоттук долбоор

2019-жылдын 1-июлунан 2020-жылдын 1-январына чейин эсеп-фактураларды электрондук документ түрүндө колдонуу боюнча пилоттук долбоор өткөрүлөт. Кошумча нарк салыгын төлөөчүлөр, өз ыктыяры менен, долбоордун катышуучулары боло алышат.

Долбоорду уюштуруу жана өткөрүү иштери КР Өкмөтүнө караштуу Мамлекеттик салык кызматына дайындалды. Ишке ашырууну КР Өкмөтү тарабынан бекитилген, маалыматтык ресурстардын ыйгарым укуктуу техникалык оператору менен биргеликте жүргүзүлөт.

Электрондук эсеп-фактураларды түзүү, жүргүзүү, тариздөө жана колдонуунун, ошондой эле документтин өзүнүн формасы менен эсеп-фактуралардын колдонулбаган серия жана номерлеринин калдыктары жөнүндөгү кабарламанын формасы жөнүндөгү убактылуу тартип, 2019-жылдын 15-апрелинен КР Өкмөтүнүн № 161-Токтому менен бекитилген.

Долбоорго катышуу жөнүндө чечим кабыл алган КНС төлөөчүлөрү кийинки шарттарды билүүсү зарыл:

• Долбоордун катышуучусу катары каттоодон өтүү;
• Эсеп-фактуралардын колдонулбаган серия жана номерлери жөнүндө кабарлама менен катталуунун алдындагы акыркы ай үчүн КНС боюнча отчетун салыктын катталган жери боюнча салык органына тапшыруу.

Пилоттук долбоордун катышуучусу катары катталган күнүнөн эсеп-фактуралардын колдонулбаган серия жана номерлеринин калдыктары (тармактык эсеп-фактураларга да тиешелүү) жараксыз деп эсептелет.

КР Өкмөтүнүн 2016-жылдын 4-ноябрындагы № 569 "Кыргыз Республикасынын салык мыйзамдарынын талаптарын ишке ашыруу боюнча чаралар жөнүндө" Токтомунун аракети пилоттук долбоорго катышуучу катары каттоо тууралуу салык органы чечим кабыл алган датадан тартып пилоттук долбоорго катышкан КНС салыгын төлөөчүлөргө колдонулбайт.

2019-жылдын 15-апрелинен КР Өкмөтүнүн № 161-Токтомуна шилтеме: http://cdb.minjust.gov.kg/act/view/ky-kg/13540