Июлдун 1нен КНС төлөөчүлөр электрондук отчеттуулукка өтүшөт

«ДосТэк групп» компаниясы салык төлөөчүлөргө маалымдайт: «Кыргыз Республикасынын Салык кодексинин 85, 86 жана 89-беренелерин ишке ашыруу боюнча чаралар жөнүндө» КР Өкмөтүнүн № 580-Токтомуна (2018-жылдын 12-декабрынан) ылайык, 2019-жылдын 1-июлу салык отчеттуулугун электрондук документ түрүндө квалификацияланган электрондук колтамга аркылуу берүүгө өтүүнүн мөөнөтү катары аныкталган.

Токтомго шилтеме: http://cbd.minjust.gov.kg/act/view/ky-kg/12799

Төмөн жакта Токтомдун 2-тиркемеси келтирилген:

Салыктык отчеттуулукту электрондук документ түрүндө берүүгө өтүүнүн
ТАРТИБИ ЖАНА МӨӨНӨТТӨРҮ

Ушул Тартип Кыргыз Республикасынын Салык кодексине, Кыргыз Республикасынын  "Электрондук кол тамга жөнүндө", "Электрондук башкаруу жөнүндө" мыйзамдарына ылайык иштелип чыкты жана салыктык отчеттуулукту электрондук документ түрүндө милдеттүү түрдө берүүгө өтүүнүн тартибин жана мөөнөтүн аныктайт.

1-глава. Салык төлөөчүлөр тарабынан салыктык отчеттуулукту электрондук документ түрүндө берүүдө электрондук кол тамганы колдонуунун тартиби

1. Салык төлөөчүлөр тарабынан берилүүчү электрондук документ түрүндөгү салыктык отчеттуулукка, салыктык отчеттуулукту электрондук документ түрүндө милдеттүү берүүгө өткөнгө чейин жөнөкөй электрондук кол тамга менен кол коюлат.

2. Салык төлөөчүлөр тарабынан берилүүчү электрондук документ түрүндөгү салыктык отчеттуулук ушул Тартиптин 2-главасына ылайык салыктык отчеттуулукту электрондук документ түрүндө милдеттүү берүүгө өтүү үчүн белгиленген мөөнөткө ылайык квалификациялык электрондук кол тамга менен кол коюлат.

2-глава. Салыктык отчеттуулукту электрондук документ түрүндө берүүгө өтүүнүн мөөнөттөрү

3. Салыктык отчеттуулукту электрондук документ түрүндө милдеттүү түрдө берүүгө өтүү салык төлөөчүлөр тарабынан төмөнкү мөөнөттөрдө ишке ашырылат:

4. Таблицанын 2 жана 3-пункттарында көрсөтүлгөн салык төлөөчүлөр салыктык отчеттуулукту электрондук документ түрүндө 2019-жылдын 1-июлунан тартып ыктыярдуу түрдө бере алышат.