Салык отчеттуулугунун үч түрүнө текшерүү шилтемелери кошулду

«ДосТэк групп» компаниясы СОчИ системасынын колдонуучулары менен кубанычтуу кабар бөлүшкүсү келет. Төмөндөгү салык формаларынын тууралыгын текшерүү үчүн КР МСКнын сайтына шилтемелер кошулду:

- КНС (кошумча нарк салыгы) боюнча отчет (Form STI-062 ЕАЭС 2017);

- Салык агенти тарабынан кармалган киреше салыгы жана төлөнгөн кирешенин суммалары жөнүндө маалымат (Form STI-017 2016);

- КР эмгек мыйзамдарына ылайык түзүлгөн келишимдин негизинде иштеген жеке жактардан салык агенти тарабынан кармалган киреше салыгы жана төлөнгөн кирешенин суммалары жөнүндө маалымат (Form STI-058 2017).

Шилтеме СОчИ системасындагы отчеттук форманын бетинде, жогорку оң бурчунда жайгашкан. Системадагы отчет формасын толтуруунун алдында, шилтеме менен өтүп, ачылган беттен текшерилүүчү отчеттун түрүн тандап, эксель форматындагы даярдалган отчетуңуздун жүктөп, «Проверить» баскычын басыңыз.

Текшерүүнүн жыйынтыгына жараша, отчетуңузду СОчИ системасындагы формага жүктөңүз же аныкталган каталарды эске алып, оңдоп чыгыңыз. Каталар оңдолгон соң, отчетту шилтеме аркылуу кайра текшерсеңиз болот.

Бул опция, отчетуңузду катасыз жөнөтүүгө, убактыңызды үнөмдөп, ашыкча чыгымга учурабоого жардам берет.