Декларация тапшырбаган мамлекеттик кызматкерлерге кандай чара көрүлөт?

1-апрелге чейин мамлекеттик жана муниципалдык кызматкерлердин баары (жетекчилер жана бардык деңгээлдеги адистер) Бирдиктүү салык декларациясын тапшырууга тийиш. Бул тууралуу Кыргыз Республикасынын Өкмөтүнө караштуу Мамлекеттик салык кызматы өзүнүн расмий сайтында маалымдайт

КР МСКнын сайтында, Декларацияларды иштеп чыгууну жеңилдетүү максатында электрондук түрдө гана толтуруп, тапшыруу керектиги жазылган, бирок мамлекеттик органдын маалымат борборунан кызматкердин катталган жери боюнча салык органына кагаз түрүндө да тапшыруу мүмкүндүгү айтылды. Ошондой эле, «Декларирование государственных и муниципальных органов» деп аталган атайын бөлүмдө форманы толтуруу боюнча колдонмо бар.

Мыйзамда белгиленген мөөнөт аяктагандан кийин Салык кызматы Бирдиктүү салык декларациясын өз убагында тапшырбаган мамлекеттик жана муниципалдык кызматчылардын тизмесин жарыялай баштайт, ал ошондой эле прокуратура органдарына да берилет.

Эскерте кетсек, 1-апрелге чейин мамлекеттик жана муниципалдык кызматчылардан тышкары, жеке ишкерлер (анын ичинде патенттик негизде салык төлөгөндөр), менчигинде кыймылдуу (транспорт) жана кыймылсыз (батир жана үй) мүлкү жана жер участогу (короо-жай участкаларынан башка) бар жеке жактар, ошондой эле, юридикалык жакты түзбөй туруп ишмердиктерин ишке ашырышкан дыйкан жана фермердик чарбалар Бирдиктүү салык декларацияны тапшырууга милдеттүү.