Салык кызматына Эсептик ведомостун тапшыруу – көңүл буруңуздар!

«ДосТэк групп» компаниясы, Мамлекеттик социалдык камсыздандыруу боюнча эсептик ведомостун (Форма 1), СОчИ системасы аркылуу жаңыдан тапшырып баштаган уюмдардын көңүлүн форманы тапшыруу мөөнөтүнө бурат.

Өзүңүздөр билгендей, үстүбүздөгү жылдын башталышы менен, КР Социалдык фонду камсыздандыруу төгүмдөрүн башкаруу функциясын КР Мамлекеттик салык кызматына өткөрүп берген. Ага байланыштуу, бул отчетту кабыл алып, өз убагында тапшырылышын көзөмөлдөөчү мекеме – Салык кызматы.

КР МСКнын сайтындагы маалымат боюнча, Эсептик ведомость отчеттук мөөнөттөн кийинки айдын 20на чейин кабыл алынат.

Бул тартиптин негизинде, СОчИ системасында отчетту тапшыруу мөөнөтүнө чектөө коюлган. Эсептик ведостту ар бир айдын 20сында 23 саат 59 мүнөткө чейин тапшырууга болот. Аталган убактан кийин, отчет тапшыруу мүмкүнчүлүгү болбойт.

Администрациялык жоопкерчилик жөнүндөгү Кодекстин 346, 351-беренелерине ылайык, отчет тапшыруу мөөнөтүн бузуу, салыктарды эсептөө жана бюджетке төлөө менен байланышкан бухгалтердик отчетторду бербөөгө жатып, кызмат адамдарына да, уюмдун өзүнө да административдик айып салууга алып келээрин эсиңиздерге салабыз.