МСКга мүлк салыгы боюнча маалымат эсептерин тапшыруу токтотулду

«ДосТэк групп» компаниясы бардык салык төлөөчүлөргө, 2019-жылдын 1-январынан КР Мамлекеттик салык кызматына бардык топтогу мүлк салыгы боюнча маалымат эсептерин тапшыруу токтотулганын маалымдайт. Аталган өзгөрүүлөр, «КР Салык Кодексине өзгөртүүлөрдү киргизүү жөнүндө» КР Мыйзамына (2019-ж. 4-февралынан, № 23) ылайык жүргүзүлдү.

СОчИ системасынын бардык колдонуучуларына, төмөнкү жылдык отчет формалары жабылганы жөнүндө маалымдайбыз:

- STI- 087 «2-топтогу мүлк объекттеринин салыгы боюнча маалымат эсеби»;

- STI- 088 «3-топтогу мүлк объекттеринин салыгы боюнча маалымат эсеби»;

- STI- 089 «4-топтогу мүлк объекттеринин салыгы боюнча маалымат эсеби»;

- STI- 090 «Жеке жактардын 4-топтогу мүлк объекттеринин салыгы боюнча маалымат эсеби»;

- STI- 076 «Айыл-чарба багытындагы жер салыгы боюнча маалымат эсеби»;

- STI- 077 «Айыл-чарба багытында эмес жер салыгы боюнча маалымат эсеби».

Жогоруда аталган Мыйзамдагы өзгөрүүлөргө ылайык, жеке жактар жана уюмдар үчүн мүлктүн ар түрдүү топтору боюнча Маалымат эсебин тапшыруу мөөнөттөрү көрсөтүлгөн, «Салык төлөө тартиби жана мөөнөтү» 332-беренесинин, 5, 6, 7.1) бөлүктөрү күчүн жоготту.

Мыйзамдын өзүн бул жерден окуса болот.