Отчет көпкө чейин текшерүүнү күтүүдө болсо эмне кылуу керек?

Суроолор:

«Таштандылар боюнча отчетту Сиздер аркылуу 1-апрелге чейин тапшырууга болот. Ал эми компаниялар 1-апрелден кийин жыл ичинде катталса да, салык кызматы таштандылар боюнча отчетту талап кылат. Сиздер аркылуу отчет тапшырылбай, көп убакыт текшерүүнү күтүүдө болот».

«КНС боюнча тактоочу отчеттор менен БСД ар дайым күтүүдө турат. Салык кызматына барып, отчеттун кабыл алынганын тактоого туура келет. Отчетту басып чыгарганда «кабыл алынды» деген белгинин болгону биз үчүн маанилүү».

Жооп:

Таштандыларды чыгаруу боюнча төлөмдөрдүн эсеби боюнча отчет формасы (Form STI-055) жылдын бардык мөөнөттөрүндө СОчИ системасы аркылуу тапшырууга жеткиликтүү. Тилекке каршы, бул отчет, ошондой эле тактоочу отчеттордун түрлөрү жана Бирдиктүү салык декларациялары автоматтык режимде кабыл алынбайт. Алар кураторлор тарабынан ар бири өзүнчө текшерилет. Андыктан, адатта, отчеттор көпкө чейин текшерүүнү күтүүдө болот.

Мындай учурларда, www.dostek.kg сайтындагы телефон же электрондук почта аркылуу бизге кайрылууну сунуштайбыз. Катка, сөзсүз түрдө, уюмуңуздун ИННин, жөнөтүлгөн отчеттун аталышы менен тапшырылган мөөнөтүн жазуу керек.

Биз отчет жөнөтүлгөн МСК башкармалыгынын кураторлоруна кайрылып, отчетторуңузду текшерүүнү тездеткенге аракет кылабыз.