Айкын оферта келишиминин мазмунуна өзгөртүүлөр киргизилди

«DosTek group» компаниясы СОчИ системасынын бардык колдонуучуларына маалымдайт: компаниянын ишмердүүлүгүнө негиз болгон кээ бир нормативдик-укуктук актылардын өзгөрүшүнө байланыштуу, Айкыг оферта келишиминин мазмунуна да өзгөртүүлөр киргизилди.

1) «Электрондук кол тамга жөнүндө» КР Мыйзамына ылайык, «электрондук санариптик кол тамга» «электрондук кол тамга» болуп, ал эми «ЭСКК» кыскартуусу «ЭКК»га алмашылды.

2) Электрондук отчеттулукту жеткирүү ыкмасы «электрондук түрдө, электрондук санариптик кол тамганы колдонуу менен» деген жерине «жана/же почта жөнөтүүлөрү түрүндө» сөз айкалышы кошулду.

3) «Терминдер жана аныктоолор» бөлүгүнө киргизилген өзгөртүүлөр:

- «Акцепт» термининин аныктоосу кошулду;

- «ЭКК (электрондук кол тамга)» термининин түшүндүрмөсүнө кийинки тактоо киргизилген: «2017-жылдын 19-июлунда кабыл алынган № 128 «Электрондук кол тамга жөнүндө» КР Мыйзамына ылайык, Оператордун Күбөлөндүрүүчү борбору тарабынан жасалган ЭКК, коргоо даражасы жана сапатынын деңгээли боюнча күчөтүлгөн квалификациялуу электрондук кол тамга болуп эсептелет»;

- «Почта байланышы», «Почта жөнөтүүлөрү» жана «Почта байланышынын мекемелери» түшүнүктөрү кошулган.

4) Оператордун кызмат көрсөтүүсүнүн негиздерин баяндалган 1.2, пунктуна::

- КР байланыш мамлекеттик агенттигинен почта байланышы тармагында иш жүргүзүүгө укук берүүчү Лицензия тууралуу маалымат кошулган;

- «Маалыматташтыруу жөнүндө» КР Мыйзамы аны алмаштырган «Электрондук башкаруу жөнүндө» КР Мыйзамына өзгөртүлгөн;

- «Электрондук документ жана электрондук санариптик кол тамга жөнүндө» КР Мыйзамы аны алмаштырган «Электрондук кол тамга жөнүндө» КР Мыйзамына өзгөртүлгөн;

- «Электр жана почта байланышы жөнүндө» КР Мыйзамы кошулган.

5) «Кызмат көрсөтүүнүн шарттары жана тартиби» бөлүгүнө жаңы 3.13 жана 3.14 пункттары кошулган. Аларда электрондук кол тамганы жаңыртууда Абоненттин милдеттери такталган.

6) «Келишимдин иштөө мөөнөтү жана аны жокко чыгаруу шарттары» бөлүгүнө өзгөртүүлөр киргизилген, бирок жалпы мааниси өзгөрүлгөн жок.

Айкын оферта келишиминин жаңы редакциясы 2018-жылдын 22-мартынан күчүнө кирип, сайттын «Документтер» бөлүгүндө жарыяланат.

06.03.2018 Жаңылыктар тизмесине