Салык отчеттулугунун формалары автоматтык түрдө кабыл алына баштады

“DosTek group” компаниясы СОчИ системасынын бардык колдонуучуларына кубаныч менен маалымдайт: КР Мамлекеттик салык кызматы менен биргеликте өткөрүлгөн техникалык жумуштардардын жана жемиштүү иш-аракеттердин жыйынтыгында, 2016-жылдын 5-январынан салык отчеттуулугунун бардык формалары, КНС (НДС) боюнча отчет (FORM STI 062 ЕАЭС), сатуудан алынган салык боюнча отчет (FORM STI 129-131), киреше салыгы боюнча отчет (FORM STI 132-134) жана роялти боюнча отчет (FORM STI 135-137) формалары менен бирге, кайрадан ИСНАК системасы тарабынан автоматтык түрдө кабыл алына баштады, б.а. отчеттор салык төлөөчүнүн карточкасына автоматтык түрдө киргизилет.  

Салык отчеттулугунун автоматтык түрдө кабыл алынышы бардык салык төлөөчүлөргө ыңгайлуу болот, анткени райондук МСК башкармалыктарынын кураторлору тарабынан отчетту бирден текшерүүсүн күтүүнүн кереги жок. Эгер отчет катасыз түзүлүп, жөнөтүлүү шарттарына ылайык (2 ЭСККсу бар учурда 2 ЭСКК менен кол коюлуп, колдонуучунун балансында отчетту жөнөтүү үчүн керектүү сумма болуп) келсе, жөнөтүлгөн отчеттун статусун 15-20 мүнөттүн ичинде көрүүгө болот. Колдонуучулардын архивинде “Текшерүүнү күтүүдө” статусу болбойт.

Аткарылган жумуш отчеттордун сапаттуу, тез текшерилишине жана электрондук документ алмашуунун тунуктугун камсыздоо үчүн жасалган олуттуу салым болуп эсептелет.

Бардык формалар логикалык-арифметикалык текшерүү менен камсыздалып, КР МСКнын талаптарына ылайыкташтырылганына карабастан, СОчИ системасынын колдонуучуларынан отчеттордун туура толтурулушуна өзгөчө көңүл буруусун суранабыз.