FORM STI -123 жана DOC STI –136 формаларын МСКна тапшыруу керек

«DosTek group» компаниясы Кыйыр салыктар боюнча отчет (FORM STI -123) жана Товарларларды киргизүү жана кыйыр салыктардын төлөнүшү жөнүндөгү арызды (DOC STI - 136) СОчИ системасы аркылуу тапшырган кардарларга, бүгүнкү күндө, компания КР Мамлекеттик салык кызматы (МСК) менен аталган отчетторду электрондук түрдө тапшыруу боюнча бир келишимге келе албагандыгын маалымдайт.

КР МСКнын талабы боюнча жогоруда аталган отчеттор кагаз түрүндө гана катталган МСК башкармалыктарына тапшырылышы керек. «DosTek group» өз тарабынан аталган отчеттордун төлөмүн кардарлардын балансына кайтарып берүүгө милдеттенет. СОчИ системасы аркылуу бул отчетторду тапшырган кардарлар аларды системадан басып чыгарып, катталган МСК башкармалыктарына өз алдынча жеткирүүсү зарыл. FORM STI -123 отчету кийинки документтер менен тапшырылат:

1. Товарларларды киргизүү жана кыйыр салыктардын төлөнүшү жөнүндөгү арыз (DOC STI – 136);
2. Төлөнгөн салыктардын квитанциясы;
3. Чек араны өтүүдөгү талон (авиа, ж/д, авто);
4. Коштоочу документтер (товардык-транспорттук ж.б.);
5. Келишимдер.

Биздин компания КР МСК менен бул отчетторду электрондук түрдө тапшыруу боюнча сүйлөшүүлөрдү улантат. Бул жагдай боюнча өзгөрүүлөр жөнүндө биздин компаниянын www.dostek.kg сайтынан окусаңыздар болот.