«Нөлдүк отчетторду автоматтык түрдө тапшыруу» жаңы кызматы 1-октябрдан жеткиликтүү болот

«DosTek group» компаниясы өзүнүн бардык кардарларына, үстүбүздөгү жылдын 1-октябрынан СОчИ системасы аркылуу нөлдүк отчетторду автоматтык түрдө түзүү жана жөнөтүү кызматына кошулуу мүмкүнчүлүгү пайда болоорун маалымдайт.

СОчИ системасын нөлдүк көрсөткүчтөрү бар отчетторду жөнөтүү үчүн колдонгон компаниялар жана жеке ишкерлер аталган кызматка 1 айдан чексиз убакытка чейинки мөөнөткө кошула алышат.

Үстүбүздөгү жылдын 1-октябрынан СОчИ системасынын ар бир колдонуучусунун жеке кабинетинде “Опции” жаңы бөлүмү пайда болот. Бул бөлүмдө колдонуучу каалаган сандагы отчетторду өз алдынча автоматтык түрдө жөнөтүү режимине кошо алат. Ошондой эле, жөнөтүү параметрлерин башкаруу жана жөнөтүлгөн отчеттордун статистикасын көрүү мүмкүнчүлүгү бар.

Кызмат кошулгандан кийин, ар бир айдын 9- жана 14-күнүндө отчеттор система тарабынан түзүлүп, тийиштүү мамалекеттик органдарга жөнөтүлүп турат.

Кызматка кошулган отчеттордун санына карабастан, айлык баасы – 120 сом. Кызматтын төлөмү колдонуучунун балансынан, автоматтык режимге кошулган отчеттордун, айдагы биринчи жөнөтүлүшүндө алынат. «Нөлдүк отчетторду автоматтык түрдө тапшыруу» кызматын кошкондо, кызматтын төлөмүнөн тышкары отчеттук формалардын баасы жана ЭСККну булутта сактоонун  (булутта сактоону колдонгондор үчүн) төлөмдөрү баланстан алынат.