Квартал сайын тапшырылуучу отчеттуулугунун тартиби жана салык төлөө

«DosTek group» компаниясынын бардык кардарларынын көңүлүн бурабыз: “Кыргыз Республикасынын Салык кодексине толуктоо жана өзгөртүү киргизүү жөнүндө” Кыргыз Республикасынын Мыйзамына ылайык (2015-ж. 15-майы, № 96), 2015-жылдын 1-июлунан төмөндөгү салык отчеттуулугу кварталдык мезгилдүүлүккө өткөрүлөт:

• Киреше салыгы боюнча (FORM STI-080) КР СК 178-беренесинин 1-1- бөлүгүнө ылайык  салык агенттери болгон кичи жана орто ишкердүүлүктүн субъектилери жана коммерциялык эмес уюмдар үчүн;
• Роялти боюнча (FORM STI-105) КР СК 313-беренесинин 4-бөлүгүнө ылайык роялти төлөөчү болгон кичи жана орто ишкердүүлүктүн субъектилери үчүн;

• Сатуудан алынган салык боюнча (FORM STI-75) КР СК 322-беренесинин 4 бөлүгүнө ылайык  сатуудан алынган салыкты төлөөчү болгон кичи жана орто ишкердүүлүктүн субъектилери үчүн.

КР СК 178-беренесинин 1-бөлүгүнө, 313-беренесинин 3-бөлүгүнө жана 322-беренесинин 3-бөлүгүнө ылайык ири салык төлөөчүлөр жогоруда аталган салык отчеттулугун айлык мезгилдүүлүк менен тапшырышат.

Киреше салыгынын салык агенттери тарабынан төлөнүшү:

• КР СК 177-беренесинин 1-1-бөлүгүнө ылайык кичи жана орто ишкердүүлүктүн субъектилери болгондор жана коммерциялык эмес уюмдар – квартал сайын;
• КР СК 177-беренесинин 1-бөлүгүнө ылайык орто ишкердүүлүктүн субъектилери болгондор жана ири салык төлөөчүлөр – ай сайын.

Роялтинин төлөнүшү:

• КР СК 313-беренесинин 2-бөлүгүнө ылайык кичи ишкердүүлүктүн субъектилери болгондор – квартал сайын;
• КР СК 313-беренесинин 1-бөлүгүнө ылайык орто ишкердүүлүктүн субъектилери болгондор жана ири салык төлөөчүлөр – ай сайын

Сатуудан алынган салыктын төлөнүшү:

• КР СК 322-беренесинин 2-бөлүгүнө ылайык кичи ишкердиктин субъектилери болгондор – квартал сайын;
• КР СК 322-беренесинин 1-бөлүгүнө ылайык орто ишкердүүлүктүн субъектилери болгондор жана ири салык төлөөчүлөр – ай сайын.

Категорияларды аныктоо, отчет тапшыруу жана салык төлөө мөөнөттөрүн кийинки таблицадан көрсөңүздөр болот.

Кененирээк маалымат менен шилтеме аркылуу КР Юстиция Министрлигинин сайтынан же КР Мамлекеттик салык кызматынын сайтынан таанышууга болот.