КР Соцфондунун отчеттулуктун жана төгүмдөрүнүн мөөнөтү өзгөрүлдү

2015-жылдын 19-мартына караштуу Кыргыз Республикасынын ““Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө” Кыргыз Республикасынын Мыйзамына өзгөртүү жана толуктоо киргизүү” Мыйзамына ылайыктуу камсыздандыруу төгүмдөрүнүн эсептөө, төлөнүү тартибине жана мамлекеттик социалдык камсыздандыруу каражаттары боюнча тапшырылуучу отчеттулукка кийинки өзгөртүүлөр киргизилди:

1. Жогоруда аталган КР Мыйзамынын 6-беренесинин 1-пунктуна ылайыктуу, жалпы салык режиминин жана/же атайын салык режиминин негизинде салык төлөөнүн жөнөкөйлөнгөн системасы боюнча бирдиктүү салык же салык келишиминин негизинде патент сатып алуу жолу менен салык төлөөчү жеке ишкерлер үчүн камсыздандыруу төгүмдөрүнүн тарифтери орточо айлык майананын 10 пайызынын көлөмүндө орнотулат. Камсыздандыруу төгүмдөрүн төлөө камсыздандыруу полистерин сатып алуу жолу менен жүргүзүлөт.

2. Жогоруда аталган КР Мыйзамынын 7-беренесинин 4-пунктуна ылайыктуу, кыймылдуу жана кыймылсыз мүлктү (айыл чарба жерлеринен тышкары) ижарага берүү аркылуу киреше алган жеке ишкерлер жана жеке жактар, камсыздандыруу төгүмдөрүнүн төлөмүн ай сайын орточо айлык майананын 10 пайызынын көлөмүндө жүргүзүп турушат.

3. Жогоруда аталган КР Мыйзамынын 7-беренесинин 4-пунктуна ылайыктуу, юридикалык жакты түзбөстөн иш алып баруучу, алынган лицензиялардын негизинде иштөөчү жана гонорар (эмгек акы) алуучу жеке жактар камсыздандыруу төгүмдөрүнүн төлөмүн орточо айлык майананын 10 пайызынын көлөмүндө жүргүзүп турушат.

Жалданма эмгектин негизинде иш алып баруучу жеке ишкерлер, мамлекеттик социалдык камсыздандыруу каражаттары боюнча эсептөө ведомостун өзүнүн жумушчуларына гана, бекитилген тартипте тапшырышат.

Жогоруда аталган маалымат боюнча кийинки телефондорго кайрылсаңыздар болот:

КР Социалдык Фондунун тарифтик саясат бөлүмү - 0312 54 37 66

Отчеттулук жана каттоо башкармалыгы – 0312 54 34 75.